Statistika

42% e prindërve shqiptarë do të përpiqeshin t’i ndihmonin fëmijët e tyre duke gjetur një kurë nëse zbulojnë se fëmija i tyre është person i komunitetit LGBTI.
Deri në 12% do të ndërpresin komunikimin me ta.
Një tjetër 12% do t’u kërkonte atyre të largoheshin nga shtëpia
Një ekstrem 6% do të përdorte dhunë fizike.
61% e shqiptarëve thonë se nuk janë kundër personave LGBTI.   
52% mendojnë se në një familje normale një fëmijë LGBTI nuk pranohet mirë;
48% mendojnë se homoseksualiteti është një sëmundje;
28% dëshiron që homoseksualiteti të dënohet;
32% mendojnë se njerëzit trans-gjinorë kanë janë të angazhuar në prostitucion;  
24% mendojnë se është mjaft e drejtë që komuniteti LGBTI të ndëshkohet.   
60% e Prindërve nuk e dinë – në përgjithësi, prindërit janë ata që duhet të informohen kohët e fundit dhe pranojnë seksualitetin e tyre si LGBTI;
6% e komunitetit LGBTI raportojnë se prindërit nuk e mbështesin dhe e pranojnë orientimin e tyre seksual dhe kanë ndaluar komunikimin me ta;
11% raportojnë se prindërit kanë pranuar identitetin e tyre seksual / gjinor por nuk i mbështesin;   
24% raportojnë se ato janë pranuar dhe mbështetur.38% nga komuniteti LGBTI në Shqipëri po planifikojnë të largohen nga vendi duke kërkuar një jetë të sigurt dhe më të mirë.
61% e shqiptarëve thonë se nuk janë kundër LGBTI, por nuk duhet të ekspozojnë orientimin e tyre seksual jashtë shtëpive të tyre;
52% mendojnë se në një familje normale një fëmijë nuk mund të jetë homoseksual;
65% mendojnë se kisha do ta miratonte nëse homoseksualiteti do ishte normal
60% të personave LGBTI nuk duhet të shfaqin orientimin seksual dhe identitetin gjinor të tyre.  
76% mendojnë se LGBTI duhet të fshehin orientimin seksual dhe identitetin gjinor nga të tjerët, për të mos sjellë turp për veten, familjet dhe miqtë.
6% e familjeve do të mbështesin një anëtar LGBTI, ndërsa pjesa tjetër do të përpiqet ta fshehë atë nga të tjerët, të mos komunikojë dhe t’i dëbojë ata nga shtëpia.

Shërbimet vendore dhe komuniteti LGBT në Shqipëri

Ambasada Pink me mbështetje të Delegacionit të Bashkimit Evropian në Shqipëri ka kryer një studim për të vlerësuar nivelin e ofrimit të shërbimeve në nivel lokal kundrejt personave LGBT. Studimi “Shërbimet vendore dhe komuniteti LGBT në Shqipëri” ndër të tjera kërkon të identifikojë çështjet dhe shqetësimet më kryesore me të cilat komuniteti përballet kur kërkon apo përdor shërbimet vendore në nivel të bashkive.

Pavarësisht se Shqipëria ka bërë hapa përpara në drejtim të respektimit të të drejtave të personave LGBT, popullsia në përgjithësi vijon ende ta ketë problem pranimin e orientimit seksual dhe identitetit gjinor të personave LGBT. Por nuk duhet parë vetëm publiku i gjerë, pasi për të pasur një shoqëri gjithëpërfshirëse duhet të punojnë disa aktorë së bashku.

Disa nga gjetjet kryesore të studimit lidhen drejtpërdrejtë me qëndrimet negative ndaj personave LGBT e kjo ndikon më pas në cilësinë e ofrimit të shërbimeve në nivel vendor. Rreth 9% e zyrtarëve publikë vendorë deklarojnë se nuk duan që t’i ofrojnë shërbime personave LGBT ndërsa 15% të tjerë janë të pasigurt në këtë drejtim.

Edhe në këtë fushë shihet ngërçi midis miratimit të ligjit dhe zbatimit të tij në praktikë. Ndonëse Shqipëria ka një legjislacion të përparuar në fushën e mbrojtjes të të dhënave personale, rreth 81% e zyrtarëve vendorë të intervistuar nuk janë të informuar nëse të dhënat personale të personave LGBT në lidhje me orientimin seksual apo identitetin gjinor duhen trajtuar në një mënyrë të tillë që të garantojnë privatësinë dhe mbrojtjen e identitetit të tyre. Edhe sa i përket njohjes së koncepteve për personat LGBT ka një mungesë të thelluar. Rreth 75% e zyrtarëve të intervistuar thonë se nuk janë trajnuar asnjëherë në këtë fushë.

Në radhët e zyrtarëve publikë vazhdon të ketë një nivel të lartë paragjykimesh dhe refuzimesh për barazinë mes personave LGBT dhe atyre heteroseksual. Pjesa më e madhe e të intervistuarve, saktësisht 32%, i shohin personat LGBT më inferior se pjesa tjetër e qytetarëve. 24% e zyrtarëve mendojnë se personat LGBT nuk duhet të punësohen në administratën publike si dhe 10% e tyre mendojnë se personat LGBT duhet të kenë më pak të drejta se të tjerët.

Ndonëse niveli i paragjykimeve dhe qëndrimeve negative është i lartë, një gjetje interesante sipas studimit të kryer nga Ambasada Pink është qëndrimi mbështetës për drejtën e martesës dhe për të krijuar familje për personat LGBT. Në kundërshtim me pritshmëritë dhe diskursin publik kundër martesës në gjini të njëjtë, studimi gjeti se rreth 42% e zyrtarëve publikë vendore ishin dakord me martesën në gjini të njëjtë dhe 34% për krijimin e familjeve LGBT. 

Studimi i NDI për çështjet LGBTI: Problemi më i madh është mungesa e informacionit

Komuniteti LGBTI vazhdon të jetë një ndër grupet më të paragjykuara të shoqërisë. Ky nuk është vetëm fenomen shqiptar, por edhe për rajonin e Ballkanit. Instituti Kombëtar për Demokraci (NDI) ka kryer një sondazh të opinionit publik mbi çeshtjet LGBTI në Ballkanin Perëndimor.

Sondazhi rajonal për çështjet LGBTI në Ballkanin Perëndimor ka mbledhur studime mbi popullsinë e përgjithshme, aktivistët LGBTI dhe komunitetin LGBTI në Shqipëri dhe 5 vende të tjera të Ballkanit Perëndimor që nuk janë anëtare të BE-së.

Ky është një studim shumë domethënës sepse do t’i ndihmojë organizatat të ndërtojnë planet e tyre strategjike, fushatat e avokimit dhe të komunikimit bazuar në të dhëna konkrete.

Sondazhi u krye në verën e vitit 2015 në Shqipëri, Bosnje-Hercegovinë, Kosovë, Maqedoni, Mali i Zi dhe Serbi nga Ipsos Marketingu Strategjik. Sondazhi u financua nga Agjensia e Shteteve të Bashkuara për Zhvillim Ndërkombëtar (USAID) përmes programit Administrativ Rajonal të Zgjedhjeve dhe Mbështetjes së Proceseve Politike të NDI-së, me mbështetje shtesë financiare nga Instituti i Victory me qendër në SH.B.A dhe mbrojtës të të drejtave civile të Suedisë (Civil Rights Defenders – CRD) dhe mbështetje teknike nga Grindr për Barazi.

Për më shumë informacion dhe të dhëna rreth sondazhit rajonal, ju lutemi ndiqni linqet: